National Alcohol & Liquor Factory

ዜና

ዜና

በኢትዮጵያ ፌዴራላዊ ዲሞክራሲያዊ ሪፐብሊክ ኢትዮጵያ የህዝብ ተወካዮች ምክር ቤት የገቢ፤በጀትና ፋይናንስ ጉዳዮች ቋሚ ኮሚቴ የብሔራዊ አልኮልና አረቄ ፋብሪካን ያለፉት ስድስት ዓመታት አጠቃላይ የኦፕሬሽንና የፕሮጀክት ዕቅድ አፈፃፀም ግምገማ እና የቀጣይ አስር ዓመታት መሪ  ዕቅድ ላይ ውይይት አድርጓል፡፡

   ክቡራን የቋሚ ኮሚቴው ዋና እና ምክትል ሰብሳቢዎች እና አባላት፤የመንግስት የልማት ድርጅቶች ይዞታና አስተዳደር ኤጀንሲ ኃላፊዎች፤የድርጅቱ ሥራ አመራር ቦርድ ሰብሳቢና አባላት እንዲሁም ከፍተኛ የሥራ አመራር አባላት በአዳማ ካኔት ሆቴል ሐምሌ 1 እና 2 ቀን 2013 ዓ.ም በተዘጋጀው የሁለት ቀን የውይይት መድረክ ላይ ተሳትፈዋል፡፡ በወቅቱም የድርጅቱን አጠቃላይ ገጽታና የለውጥ ሂደትን በተመለከተ በድርጅቱ ዋና ሥራ አስፈፃሚ አቶ መሥፍን አባተ እንዲሁም ያለፉት ስድስት ዓመታት የኦፕሬሽንና የፕሮጀክት ዕቅድ አፈፃፀም ካጋጠሙ ተግዳሮቶችና ከተወሰዱ የመፍትሔ እርምጃዎች ጋር በምክትል ዋና ሥራ አስፈፃሚ ወ/ሮ ኮከቤ ቁምቢ ሰፋ ያለ ማብራሪያ የተሰጠ ሲሆን የድርጅቱን የቀጣይ አስር ዓመታት መሪ ዕቅድን በተመለከተ በዕቅድ፤ዝግጅት፤ክትትልና ግምገማ ሥራ ሂደት  ለተሳታፊዎች ማብራሪያ እንዲቀርብ ተደርጓል፡፡

   ከውይይት መድረኩ በፊት ሐምሌ 1 ቀን 2013 ዓ.ም ጧት ክቡራን የቋሚ ኮሚቴው  አባላት በፋብሪካችን በተዘጋጀው የጉብኝት ፕሮግራም ላይ በመገኘት በድርጅታችን ዋና ሥራ አስፈፃሚ አቶ መሥፍን አባተ እና በምክትል ዋና ሥራ አስፈፃሚ ወ/ሮ ኮከቤ ቁምቢ አማካኝነት የተለያዩ የሥራ ዘርፎችን እንዲጎበኙ ተደርጓል፡፡

 180 total views,  1 views today

Contact Us

Mexico Square Behind Addis Ababa Technical College & Mekanissa
info@nalf.com.et, national.alcohol@gmail.com
+251 115 516 999 / +251 115 516 190
+251 115 513 299

Our Location